「粵語堂春令會」
粵語堂助道部定於4月15 及16 (星期六/日)舉行春令會，邀請了陸超明博士主領，主題是 “我還可以被神使用嗎?”
陸博士現為加拿大建道中心總幹事
4月15日會在早上九時半開始，直至下午三時結束，中午會安排午餐，成人收費十元，12歲或以下免費。
現已開始接受報名，截止報名日期為4月2日。弟兄姊妹可在崇拜後在大堂註冊處報名，或按此網上登記，如有三位或以上6至11歲的兒童報名，將會安排兒童節目。
「樂在生活營」
樂在生活營是約書亞團契提供的三天兩夜的活動，讓你可以在 Victoria Day 長週末享受屬靈、團契和 fun 的時光。活動內容：
- 搜羅當地名勝，讓你和小組可以自由地探索周圍的自然風光，例如湖泊、森林、山脈等
- 主日有崇拜時間
- 團契有每日所食的提議，豐儉由人
- 每天晚上有分享會，讓我們唱歌、玩遊戲、交流心得和見證
樂在生活營是一個難得的機會，讓你可以暫時放下日常的煩惱和壓力，與神和弟兄姊妹建立更深的關係。如果你有興趣參加，請盡快報名(按此結連報名)，名額有限
「禱讀 — 與主同行的生命」
3月份團契聚會，白陳慧莊姊妹介紹禱讀 — 與主同行的生命。通過禱讀，我們可以更加深入地了解神的話語和旨意，並建立與神更加親密的關係。
當日的ppt和錄音：
「齊進深 – 團契/小組屬靈成長」
團契在這幾個月介紹了不同的靈修方法，去實踐親近上帝。4月團契仍然建議各小組在小組練習「親父時刻 Time With Abba」的靈修方法。
四月份團契的屬靈成長預先研習 (pre-study) 於 4月4日 星期二舉行，到時將會建議各小組，如何在這個人靈修上，在小組中一同學習！
承蒙余子麟牧師允許，我們可以使用他在溫哥華西區浸信會的成人信徒教育課程 — 「親父時刻 Time With Abba」的靈修課程。按以下結連收睇「親父時刻 Time With Abba」(共七個錄音)；password: TWA
https://vimeo.com/showcase/9150324
「健行興趣活動小組」
第一次活動加深團契機會
約書亞團契 YAH (Young at Heart) 健行興趣活動小組，於上月 18 日首次舉辦「探索多倫多城市由來半日遊」活動。雖然出團人數最後只有五人，並且天氣時晴時飄雪，但無礙大家興致勃勃的出遊和藉此團契的機會。結果原定半日的行程，大家最後由早上九時集合，玩到差不多下午五時才結束。步行的步數超過一萬步。
興致勃勃使活動時間超出原訂五成
我們首先到市中有百年歷史的聯合車站，參觀這座多倫多第三座的聯合車站，了解鐵路的歷史和整幢似古羅馬建築物的設計，也參觀因為鐵路發展而在車站對面建成，皇家成員也入住的皇家約克酒店。
跟著步行到 1803 年開始的聖羅倫斯市場，參觀因受原來北面市場重建工程影響而臨時搭建的星期六農貿市場，以及到有固定攤檔的南面市場，並且在當中幾家人氣食店之一購買三文治作午餐。聖羅倫斯市場可說是多倫多城市成立的起點，參觀了仍然保留著的首個市議會外牆和到地庫「想像」昔日警局和拘禁罪犯的地方。
最後到時尚熱點，經過活化了有超過 150 年歷史的釀酒廠，參觀了一些當年釀酒的工具，並且在當年的泵房內渴咖啡。當然少不了在多個打卡熱點拍照留念。只可惜因為工程進行中被圍欄阻隔，而未能親睹多倫多安大略湖邊最早的湖岸線。
回程時也途經兩個多倫多最多人打卡的兩個熱點，就是俗稱「燙斗大廈」的Gooderham Building，遠望這位釀酒廠富商昔日辦公大樓，和 Brookfield Place 的天花。
下次五月份活動可能有驚喜
健行興趣活動小組下次活動將於五月份進行，日期待定，主要視乎櫻花盛開的時間。我們將不只到High Park，更會到有地標作背景的地方為櫻花打卡。當然也少不少「食」這個環節。請大家留意五月時的 WhatsApp 通告。
小貼士：如果未能參加，又想與櫻花打卡，可到Square One 附近的日式庭園公園Kariya Park。
「寧欺白鬚公!? 有感而發」
愚公子
哈囉！大家好！
首先愚某要聲明，是次投稿我是會用廣東話寫的，因為這會更傳神，我不是說文言文不好，但總覺得‘的的了了’，有點扭扭擰擰，不夠貼切及痛快！
幾十年前，好多時聽到有人講：‘寧欺白鬚公，莫欺少年窮’呢句話，心𥚃面冇乜衝擊，但係來到今日，年紀大咗，黑鬍鬚全部都變白，正式白鬚公一個，有冇搞錯呀 😵💫，唉！年紀大咗，就發覺自己越來越冇乜用，冇人尊敬，亦冇哂尊嚴，如果仲比人欺負，贈多幾句 ’甘句’，確係慘情🥹！一諗起來緊嘅日子，身體一路衰敗落去，眼又矇耳又聾，咁點算好呢？想幾想，真令人老淚縱横。😢
有人提議，話：咁咪去老人院囉😞！唉，千祈咪搞我，嗰度D員工，唔係你想象中咁關愛D院友，大家有冇發覺，住喺老人院D長者係好少出聲㗎🤐，總之佢地極之服從，非常合作，如果有乜唔合理，條氣唔順出怨言，又諸多要求，咁就大鑊啦😱！跟住所受嘅氣，真係吃不完𠒇著走。喺精神上，嗰D ‘甘句’ 係咁飛過來，一句：你地班老嘢真係冇鬼用…！😩 喺肉體上，係咁意幫你用水冲一下，快手抹乾淨就算啦，再嘈就直情唔理，冲乜鬼涼呀😣?! 橫掂就快去咯😳！
講到伙食，字面上，每份餐都有營養師計好哂，包保營養豐富，會食到到D院友個個肥肥白白，但係No la ! 廚房嗰位大哥，佢照餐單煮咋，總之少鹽 少糖 少油就算啦！食到人人口where where ! 但又唔出得聲，慘情☹！如果你好命，遇著個滿有愛心嘅護理，照料妥當，對你非常好，咁我恭喜你，因為唔係幾多個院友有咁嘅福氣，通常佢地都係板起個面，大行大過，但當有家人探訪時，又秀另一個面孔，當院長巡視，又或者名人探訪時，佢地更滿面笑容，打躬作揖！(我有網上視頻為證.)
我媽幾十年前已過身，佢晚年係住喺唐人街一間安老院中，我爸每日探佢都煮D米粉比佢食，佢一定食清，而枱上的午餐，大部分冇食，因為唔啱佢口味。我每個禮拜日一定落去探望佢，餵她食米粉。有一次，我行去我媽病牀時，經過一間房，𥚃面有個台山阿伯大叫 😱：癩屎呀！但叫極都冇人啋佢，我想搵人幫手，不過四圍都冇人，哼！你話點死呢？🤔
寜欺白鬚公?! 我一想起就興，點解要欺負白鬚公喎？
所以，我唔想咁長命去到一百歲，除非身體好，否則到時瞓瞓下就去咗見天父，咁就係最美好嘅祝福！阿里路也！不過我地點死已經定咗，一切交託啦！
補充 : 愚某一家三口早在三十多年已經喺 GO 墳場買咗地，非常近嗰度嘅 ‘唐人街’，而且喺正路邊，喺我爸媽墓地隔籬。如果我地有機會做街坊，記住得閒過來搵我傾下偈呀，老友鬼鬼嘛！
請呀！